|
SubscriptionsSites I Read
|
|
|
|
| 話咁快又過左一年,又大一歲啦, 首先祝我自己生日快樂, 心想事成, 身體健康...其實今年對生日都無咩期待, 可能覺得無咩人會記得我生日掛, 又或者可能今日要返工,無咩特別野可以做。一心諗住過一個平凡既24歲生日, 但最後卻喜出望外。
今日一早照常起身返工, 過左一個差點連Lunch都無時間食既工作天, 拖著疲倦既身驅接愛美麗放工, 出奇地今日居然唔使我等化三個字就出現係我眼前。究竟佢會帶我去邊呢?之後佢終於透露一直懶神秘安排既節目, 原來今晚佢要帶我做一晚豪客,晚餐地點係日航酒店內既法國餐廳。正宗既法國菜真係未食過, 今次係食semi-buffet,頭盤同甜品都係自助,加埋主菜一客,真係好鬼吸引。我地係個度今晚第一檯客人, 環境同服務都一流, 加上無咩人, 我地無論講野同食野都要好細聲, 但我地一樣咁興奮, 之前既疲倦已經唔記得晒了。行出buffet檯,見到好多頭盤, 最吸引我既係克力架餅同面飽,點解?因為有我最鍾意食既鵝肝醬, 兩樣野加埋簡直難以形容, 仲有長過隻中指既長腳蟹柳, 食到儀態都無晒了。食下食下，都差唔多半飽，就諗住轉攻我既至愛...甜品。正當我想行動既時候，愛美麗突然話..."你仲未食主菜呀"。oh...my..god，可想而知我已經進入忘我既境界。我地坐定定等主菜送上，我個客係西冷扒配唔知咩汁，佢個客係焗蠔拼大蝦，可能因為D頭盤已經好好食，所以覺得個主菜無咩特別，但其實都係好好食既。不過塊扒有點過熟，好似浪費左。好彩個主菜份量唔係好大，仲有Quota食我既甜品。愛美麗話揀呢度其中一個原因就係可以任食甜品，真係知我心意~~雖然個度D款式唔算特別多，但見到既都係平時少見既款式，最令我難以忘記既係檸檬撻，檸檬Cheese Cake，榛子Moss餅，樣樣都好好味，咁搞法下次我食咩都會覺得唔好味架喎!!!點算。雖然真係好飽好飽，但我都頂硬上，試過既所有咁多款甜品，如果唔係真係對唔住自己呀!!!而隔離愛美麗一早已經反晒肚了。睇下隻錶，woo..原來己經食左3個鐘啦，我諗呢餐真係同佢食得最耐既一餐，平時食飯唔好話3個鐘，3個字都已經吹人走啦，今次都算係破戒了。. 食完飯，個傻婆仲話要送我返屋企喎，平時只有我送佢架咋嘛，未試過掉轉既...但佢話今日係我生日，所以先有呢次福利喎。既然係咁，我無理由拒絕佢架，等佢感受下平時我夜媽媽送佢返歸個時既感覺都好。不過一路搭車一路我都覺得感覺好怪，除左回味返呢餐飯外，仲諗緊會唔會之後要我送返佢返屋企呢???唔會咁搵笨呀fa???返到屋企門口，見到個窗無燈透出來，唔到屋企人出晒街?點解無人同我講既?但開門個時又發覺無鎖實大門喎，不過唔理咁多，開左先算。一打開門，Oh My God...屋企無電咩，點解有支著左既蠟燭既，再睇真D，有個蛋糕既?再睇真D，我爸坐左係度既?之後我媽又走出來既?有無人答我發生咩事呢?當時既我都唔知可以有咩反應，嚇親?興奮?開心?哈哈，樣樣都唔係，我只係諗緊究竟係邊個搞出來既，連我咁醒都發覺唔到既!!!個時個傻婆仲問我係咪唔開心，佢都傻既，一時間我唔知自己做緊咩咋嘛，我同人慶祝就試得多，呢次居然輪到自己，原來個種咁覺係咁架!!!我唔識講啦，總之難以形容，被騙得來又好開心，好surprise。第一次咁樣不知情既底下慶祝生日。我知道幕後一定係佢搞出來既鬼主意。本以為今年唔會有生日蛋糕食，點知臨尾都無令我失望。可惜因為餐飯食得太飽啦，已經無辦法食得落個生日蛋糕，唯有盡量食一少件啦。不過可能頭先餐飯D甜品太好味，覺得個生日蛋糕D味道差左，所以好野都唔好成日食，食得多唔係一件好事。生日有咩好得過一家人齊晒咁興祝呢??? 經過今日，有一個人好想多謝佢，呢個就係為左今日既事而出心出力既愛美麗啦，你為做既事我係感覺到架，特別係今日，除左驚喜同滿足，無咩字眼可以形容今日發生既事。放心，你生日我一定會做得好好睇睇，老婆仔，多謝你!!! ...完....  開餐前合照
 吸引嗎?
 最佳配搭，鵝肝醬配克力架餅成為今晚既至愛
 愛美麗既主菜，焗蠔拼大蝦
 我既主菜，西冷午扒
 我最愛既甜品，特別係檸檬撻，正!!!
 我今年既生日蛋糕
| | |
| 成2個月無寫日記，我諗家下都無人會睇架啦... 今日係我係善德既最後一日，唔經唔覺已經8個月，諗返起我第一日返工好似係前幾日既事咁。離開呢個地方我唔覺得有太大既傷感，但總覺得失去左份情意，可能呢間學校除左俾到我事業，仲有愛情。自問轉工對我來說真係家常便飯，但呢次感覺同以往好唔同，因為我唔知呢次既決定係岩定係錯，離開一個已經開始熟識既環境，再次挑戰下一個目的地，壓力一次俾一次大，一次俾一次沉重，可能責任亦都係一次俾一次重。要我找一個理由離開，其實真係唔容易，呢份工令我每一日都可以見到我愛既人，亦令我識到一班好好既同事，但冥冥中呢度俾我既感覺只係一個中轉站，緣來緣去，要轉個班車終於都到站了，世事既野就係咁奇妙。
今日我終於"畢業"了...
Office大合照
教員室合照
我的工作間...(已成歷史了)
善德最後一日返工既早餐
遺憾未來短時間內都無辦法日日送早餐俾你食了...
| | |
| 今日好舒服咁訓到差唔多一點先起身，但亦都好奇怪唔知點解成朝都無人肉鬧鐘電話嘈醒我，明明今日有人約左我架喎。打電話俾個傻婆，點解D鈴聲咁怪又咁熟既?如夢初醒下發覺佢唔係香港喎，再打開個手提發現有Message，一睇先知原來個傻婆俾人押左返大陸。Oh my God，乜咁突然既???就係因為咁無端端多左日假係屋企休息下。 呢排開始日日都上睇下出左成績未，真係好緊張呀，究竟我畢唔畢到業呢，如果家下同我講話我肥左要讀過，我一定灰爆。不過呢段時間真係好似無左寄托咁，因為返到屋企好似少左樣野做咁。溫書?做功課?學業暫時可以放低，但工作上既煩惱就增加左好多，因為新學期又開始了。有時又會諗，究竟我會係呢度做幾耐呢，難度我總係會離唔開呢個教育界?諗起都頭痛。岩岩推左以前老細介紹個份工，雖然佢唔係一定請我，但就算見我已經怕怕，因為我實在唔想再係短時間內適應新既生活。同埋我仲想日日買早餐俾我個傻婆食... | | |
| 看更原來識雞腸, 掃地都要寫文章; 學士碩士唔馨香, 因為博士都在場;
人工一定唔理想, 七仟左右已中上; 十二個月無雙糧, 兩年合約要裝香;
半年之內有工返, 已經算係好收場; 開工應該喜洋洋, 點知世態更炎涼;
管理之名樣樣理, 萬人之下一人上; 資源增值好榜樣, 以為發揮你所長;
光管燒左等你換, 影印食紙你當殃; 電話唔通都關事, 水廁唔通你清場;
電腦壞左要識整, 發現病毒要早響; 食飯最多半個鐘, 大小二便難舒暢;
中港兩地四圍走, 遲早去阿塞拜疆; 仲要出街收爛賬, 朝早做到午夜場;
公司人事要攪好, 唔係就李代;桃僵; 對付下屬要讚賞, 對住上司要讚揚;
對待同事要禮讓, 對住老板扮羔羊; 老細個仔問功課, 資料搜集你擅長;
芝麻小事難迅d, 唔識都要頂硬上; 上司老板夠無良, 病都要做鬼體諒;
同事犯錯有你份, 仲要鬧你正粉腸; 開會猶如打靶場, 比人插到啪啪響;
翻開肚皮睇全相, 鬧完仲要拍手掌; 工餘進修係妄想, 回家食飯無相量;
想話請假來休養, 老細面似屎一樣; 晚晚加班做七日, 唔通個個嫌命長;
日日返工 喪屍, 十足幾年無沖涼; 大假以為好安樂, 手提電話日日響;
運動要響公司做, 逐箱"快勞"搬埋牆;
老細生日當娛樂, 週年聚餐齊歡唱; 笑臉迎人裝模樣, 當正自己做歡場;
以上所講無誇張, 全是打工眾生相; 奉勸各位打工仔, 積極求存為至上;
年尾流流高危日, 偷懶都係咪咁揚; 香港打工係咁樣, 大聲疾呼"吹Q漲"
| | |
| 從前曾搭著膊在照相 公園裡共你比賽攀樹上
還有 甚麼歌 都亂唱 插著褲袋哨子吹響
看夕照是如此漂亮 一切 就這樣分享
回頭是那日那夜那背景 仿彿已沒有什麼可記認
時間 製造缺陷 不停
這夜如可閉上眼睛 再共我回憶中約定
心裡 就有感應
仍然能搭著膊在照相 講起了自幼戀愛的對象
還有 熟悉的 那些歌唱 若你願陪我偶然停下
那夕照 仍然很漂亮 跟你 看著同一方向 | | |
|
